girmək

Azərbaycan dili

Feil

azərbaycanca: girmək
Heca: gir-mək

Mənalar :^[1]https://web.archive.org/web/20130910011206/http://azerdict.com/izahli-luget/girm%C9%99k

↑
1. Daxil olmaq, içəriyə keçmək (çıxmaq əksi). Evə girmək. Otağa girmək. Qapıdan girmək. – Mirbağır ağa girir, başmaqlarını çıxardır, salam verir. C.Məmmədquluzadə. [Mərcan bəy:] A gədə, qoçaq, mən səni çağırmayınca sən bu otağa girmə! Ü.Hacıbəyov. Bağa girmənəm sənsiz; Gülü dərmənəm sənsiz.. (Bayatı).
2. Sığmaq, yerləşmək. Əlim əlcəyə girmir.
3. Çatmaq, yetişmək, daxil olmaq. Biz şəhərə girdiyimiz zaman şiddətli xəzri əsir, küçələrin tozunu havaya sovurur, göydən başımıza torpaq yağırdı. A.Şaiq. Tehrana girənə qədər Gülnaz da, Səriyyə də Musa kişini, Firidunu tapacaqları ümidi ilə yaşayırdı( lar). M.İbrahimov.
4. Başlamaq, başlanmaq, gəlmək, daxil olmaq. Qış girdi. Yaz girdi. – Cənubda mart girən zaman; Əsil gözəl bahar olur. M.Dilbazi.
5. Bir yerdə gizlənmək, bir şeylə örtünmək. Günəş buludun dalına girdi. – Açıqlıqdan keçdi, kömür qədər qara və müzlüm görünən qamışlığa girdi. H.Nəzərli. Süzülən nurunu toplayıb qəmər; Girdi buludlara, qaraldı göylər. M.Rahim.
6. Yatmaq üçün yorğan-döşəyə uzanmaq. Yorğan-döşəyə girmək. – Gəldim, soyundum, girdim yerə, amma sübhədək gözümə yuxu gəlmədi. Ə.Haqverdiyev. Ziba yatağına girincə yuxulamışdı. S.Hüseyn.
7. Daxil olmaq (bir təşkilata, işə, məktəbə və s.-yə). İşə girmək. Məktəbə girmək. İnstituta girmək. – [Teymur] yeddinci sinfi bitirib, sənət məktəbinə girmiş, oranı da müvəffəqiyyətlə qurtarmışdı. M.Hüseyn. Xalça fabrikində girib xidmətə; Bağlandı zəhmətə vicdanla Rəna. M.Rahim.
8. Batmaq, keçmək. [Aslanın] iki böyük dəmir parçası qarnına girmiş, bağırsaqlarını çölə tökmüşdü. Ə.Vəliyev.
9. məc. Girişmək, başlamaq.
10. məc. Bir şeylə örtünmək. ..Saqqalı ağ olanın qiymətidir bir qara pul; Gərçi girsə bəzənib gündə yaşıl, al içinə. M.P.Vaqif.
11. Yuyunmaq, çimmək üçün bir şeyin içinə, ya bir yerə daxil olmaq. Suya girmək. Çaya girmək. – Hovuza girən qaşqabaqlı çıxmazdı, həmişə şad, nurani, pak-pakizə olardı. Çəmənzəminli. [Həsənqulu bəy:] Əşi, insafdır, o xəznəyə mən də girim, bu hambal da girsin? Ü.Hacıbəyov.
12. Soxulmaq. Adamların içinə girmək.
13. Dolmaq (adətən “yaşa, yaşına” sözü ilə).
14. yaşa girmək. – [Vəzir:] Sən on dörd yaşına girdiyin zaman; Ərəb ölkəsinə göndərdi atan. A.Şaiq. Bir neçə ay bundan qabaq; Girmişdi o doqquz yaşa. M.Dilbazi.
15. məc. kob. Pul, çəki və s. haqq-hesabında aldatmaq.
16. Bir sıra isimlərə qoşularaq, mürəkkəb feil və müxtəlif ifadələr düzəldilir; məs.: başına girmək, beyninə girmək, yuxusuna girmək, qoluna girmək.

Şəxs əvəzliyi	Fellərin şəxsə və zamana görə dəyişməsi					Felin formaları					Hallar	Fellərin hallanması
	Keçmiş zaman		İndiki zaman	Gələcək zaman		əmr	arzu (gərək...)	vacib	lazım	şərt
	şühudi	nəqli	İndiki zaman	qəti	qeyri-qəti	əmr	arzu (gərək...)	vacib	lazım	şərt
Mən	girmişdim	girdim	girirəm	girəcəyəm	girərəm	girim	girəm	girməliyəm	girəsiyəm	girsəm	Adlıq	girmək
Sən	girmişdin	girdin	girirsən	girəcəksən	girərsən	gir	girəsən	girməlisən	girəsisən	girsən	Yiyəlik	girməyin
O	girmişdi	girdi	girir	girəcək	girər	girsin	girə	girməlidir	girəsidir	girsə	Yönlük	girməyə
Biz	girmişdik	girdik	giririk	girəcəyik	girərik	girək	girək	girməliyik	girəsiyik	girsək	Təsirlik	girməyi
Siz	girmişdiniz	girdiniz	girirsiniz	girəcəksiniz	girərsiniz	girəsiniz	girəsiniz	girməlisiniz	girəsisiniz	girsəniz	Yerlik	girməkdə
Onlar	girmişdilər	girdilər	girirlər	girəcəklər	girərlər	girsinlər	girələr	girməlidirlər	girəsidirlər	girsələr	Çıxışlıq	girməkdən