Mütləq gərək olan, onsuz keçinmək mümkün olmayan; gərəkli, lüzumlu, vacib, zəruri. _ Lazım bilmək (görmək) – yerinə yetirilməsini vacib saymaq, zəruri bilmək. Xanla Vaqif uzun-uzadı məsləhətləşib yenə bəzi tədbirlər görülməsini lazım bildilər. Çəmənzəminli. Rüstəm kişi rayonun rəhbər təşkilatları ilə mübahisə etməyi lazım bilmədi. M.İbrahimov. [Əfruz bacı] Mədədin öz ayağı ilə [Sübhanverdizadəyə] baş çəkməyini lazım gördü. S.Rəhimov. Lazım gəlmək – vacib olmaq; zəruri olmaq, məcburi olmaq, ehtiyac olmaq. [Müəllim] hiss etdi ki, belə mühüm bir məsələni Telli kimi avam bir qadına qandırmaq üçün əsaslı dəlillər və sübutlar lazım gələcəkdir. S.Hüseyn. Molla Sadığı da yuxudan oyatmaq lazım gəlmədi, səs eşidən kimi özü həyətə çıxdı. İ.Şıxlı. Lazım olmaq – gərək olmaq, işə yaramaq. [Gülçöhrə:] Sənə lazım olmaz, amma Telliyə lazım olar. Ü.Hacıbəyov.
Xəbər şəkilçisi ilə: lazımdır – gərəkdir, vacibdir, ehtiyac hiss olunur. Lazımdır mikrobları millətin bədənindən kənar eləmək. C.Məmmədquluzadə. [Birinci fəhlə:] Bu saat tətil etmək lazımdır. H.Nəzərli. [Bəhlul:] Durmaq, məsləhət eləmək vaxtı deyildir, o taya addamaq lazımdır. Ə.Vəliyev. ◊ Lazım şəkli qram. – felin iş və ya hərəkətin icra edilməsinin lazım olduğunu bildirən şəkli; məs.: başlanasıdır, qalasıyam, yazası imiş, gələsi idik və s.
azərbaycanca: lazım
Mənalar :[1]https://web.archive.org/web/20160314084040/https://azerdict.com/izahli-luget/laz%C4%B1m
Dünya xalqlarının dillərində
Tərcümələr : 
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
